|
22.老鼠敢邦猫公须，当今天下唔稀奇。
几多稚鸡赶上架，几多嫩鸭兵人迟。
秋 歌
23. 几多嫩鸭兵人迟, 啀今就来话你知.
当今天下虽有黑, 邪不胜正係真理.
朝阳自然风
|
24. 邪不胜正係真理，系邪系正仪占知。
常食嫩鸡身体好，地做床来天做被.
秋 歌 |
25. 地做床来天做被, 啀今劝你莫儿戏.
万一贪花受了孕, 小3闹到家肚里.
朝阳自然风
26. 小3闹到家肚里, 看仪肩上三只星。
拖出驳壳试一射，又惊又号搞儿嬉。
秋 歌
27. 又惊又号搞儿嬉, 驳壳唔好乱射人.
射倒人家造业障, 坐监打失矛翻身.
朝阳自然风
28. 坐监打失矛翻身，三星军官也怕人？
黄连树上吊猪胆，就怕仪丢大官人 .
秋 歌
29. 就怕仪丢大官人, 头上三尺有神明.
贪财贪色莫去做, 居官从政做好人.
朝阳自然风
30. 居官从政做好人，污泥浊水路难平。
十面埋伏谁知己，辞官归隐道渊明 .
秋 歌
31. 辞官归隐道渊明, 眠风宿月有山林,
共君饮上一杯酒, 老家处处有乡亲.
朝阳自然风
32.老家处处有乡亲，山歌紧唱紧精神。
深山老林走一转，如同进入风雨亭。
秋 歌
33. 如同进入风雨亭, 风雨亭中係温馨.
姜煮春酒食一碗, 红光满面更精神 .
朝阳自然风
34. 红光满面更精神，春走春香送瞒人。
一只碗公有几大，一块姜麻装满里 .
秋 歌
35. 一块姜麻装满里, 上寓下屋迎请你,
迟鸡杀鸭酿豆腐, 尽话叔公转来哩.
朝阳自然风
36. 尽话叔公转来哩，叔公欢喜尽捋须。
拿等红包开心笑，尽话子孙柬精灵。
秋 歌
37. 尽话子孙柬精灵, 只只有礼又聪明.
红包拿里爱学好, 长大要做栋梁臣.
朝阳自然风
|
38. 长大要做栋梁臣, 唔妹单单恋高枝.
万丈高楼平地起, 垫底基石爱有人。
秋 歌
39.垫底基石爱有人, 叔公就係垫基人.
十年树木可做屋, 百年树人占艰辛.
朝阳自然风
40. 百年树人占艰辛，今价全靠后生人。
老里闲事少是管，散步行街过精神。
秋 歌
41 散步行街过精神, 矛病矛痛占系真,
行路好比补腰骨, 运动当过高利参.
朝阳自然风
42. 运动当过高利参，讲倒高利喂伤身。
青菜豆腐营养好，粗茶淡饭最必真.
秋 歌
43. 粗茶淡饭最必真,养生还係到农村,
蕃茨芋里斋嫲莱,食里占过有精神.
朝阳自然风
44.食里占过有精神，问仪是姆爱瘦身。
几只熟客好奇怪，尽话样般变闲轻.
秋 歌
45. 尽话样般变闲轻, 一下瘦撇几十斤,
身轻脚快风车样, 返老还童变仙人.
朝阳自然风
|
46. 返老还童变仙人， 秋歌春色最稀奇。
仪看大山七目嶂，姹紫嫣红插天庭。
秋 歌
47. 姹紫嫣红插天庭, 七目峰顶有神明.
神明就是毛主席. 保佑天下穷苦人.
朝阳自然风
|
48. 保佑天下穷苦人, 卧佛身边有女神。
齐心合力救中国，但愿中国矛穷人。
秋 歌
49. 但愿中国矛穷人, 改革开放係真经。
衣食住行大改善, 共同富裕占真神。
朝阳自然风
50. 共同富裕占真神， 真神唔知独艾里。
改革开放虽然好， 贫富悬殊搞大里 。
秋 歌
51. 贫富悬殊搞大里, 缩小差距占正理。
城乡实现一体化, 共同富裕占主题。
朝阳自然风
|
|
52. 共同富裕占主题, 共同早就走撇里。
低收入者矛刮杀，瞒人像仪拿高薪。
秋 歌
53. 瞒人像仪拿高薪, 涯嘅工资一般平.
够食够用刚刚好, 略有节余助亲人。
朝阳自然风
|
|
54. 略有节余助亲人，闲话莫提转正题。
情歌就爱讲男女，喊只妹子嬲呀里。
秋 歌
55. 喊只妹子嬲呀里，咩咩佢话就来哩，
打开庵门看佛面，唔知奈只占真神。
朝阳自然风
|
|
56. 唔知奈只占真神, 听倒咩咩就来里。
萝卜煲粥吃一碗，心肝一下就热里。
羊咩咩
57. 心肝一下就热里，山歌继续尾驳尾。
妹斟茶水哥止渴，哥送糕饼妹充饥。
|
|
朝阳自然风
58. 哥送糕饼妹充饥， 小字一只送奔仪。
一摆两摆食唔饱， 十头八次矛问题。
|
|
羊咩咩 |
|
59. 十头八次矛问题，久久记得哥言语。
门前种有相思竹，撑等日头莫落西。
朝阳自然风
|
|
60. 撑等日头莫落西，记得仪介萝卜丝。
割倒半斤蒿筒骨，锅头一煮香死里.
羊咩咩
61 . 锅头一煮香死里，阿妹抿嘴笑嘻嘻。
装畀阿哥啃一口，三日唔食肚唔饥。
|
|
朝阳自然风
62. 三日唔食肚唔饥，脉介营养简畏人。
唔知阿妹胃口大，一夜矛食饿死里.
羊咩咩 |
63. 一夜矛食饿死里，架么哥话咁悬虚。
萝卜煲粥唔过隐，换过鸡迪炖参须。
朝阳自然风
64. 换过鸡迪炖参须，甲只鸡头送奔仪。
最好就有羊乳绑，庐许衫袖捋两杯。
秋 歌
65. 庐许衫袖捋两杯, 羊妈喊痛乱法蹄.
大哥奔佢踢两下, 尽喊冤枉造业里.
朝阳自然风
66. 尽话冤枉造业里，压低声音爱柄人。
多谢羊乳绑鸡肉，齐家一夜简精神.
一缕阳光
67. 齐家一夜简精神，睡目唔得占烦人。
火盐捞粥早睡目，朝晨早起好精神.
朝阳自然风
68. 朝晨早起好精神，一缕阳光射前庭。
花红柳绿庭前耀，日光也晓讨风情。
秋 歌
69. 日光也晓讨风情, 子弟大里爱娶妻,
小伙今年二十八, 正是娶亲好时辰.
秋 歌
70. 齐家一夜简精神, 山歌紧唱紧合心,
天罗海角唱那转, 不知不觉到天明.
朝阳自然风
71. 不知不觉到天明，尤有余兴表衷情。
相约时间再相见，牛郎织女要相亲.
秋 歌
72. 牛郎织女要相亲, 七月七日是良辰,
鹊桥双星长相会, 天上人间两和平.
朝阳自然风
73. 天上人间两和平，二零一二就来临，
玛雅预言我不信，只是和平在哪里？
秋 歌
74. 只是和平在哪里？信美恐美是死棋,
臭棋篓子该下课, 科学发展是正理.
朝阳自然风
75. 科学发展是正理，扎硬髻古做赢人。
炎黄子孙千千万，赶超美帝要争时.
秋 歌
76. 赶超美帝要争时, 何必同佢称兄弟,
亡我之心终不死. 与虎同眠搞差哩.
秋 歌
77. 红花易谢易过期, 朝阳喷薄射湖滨,
秋光入咏君何感, 同是江山劫后人.
朝阳自然风
78. 同是江山劫后人，三年困难十年痴。
共产主义坚信念，一身正气做贫儒。
朝阳自然风
79. 不是情歌口不张，有郞矛妹难搭腔。
遇倒阿妹歌奋起，客家山歌爱芬芳。
一缕阳光
80. 客家山歌爱芬芳，咩咩听到喜洋洋。
唱条山歌锡阿去，朝阳一身兴阿上。
秋 歌
81. 朝阳一身兴阿上,今日做摆少年狂,
前胸笑到虾公样,后背笑胜喊脱囊.
朝阳自然风
82. 朝阳一身兴阿上，秋歌春唱春水长。
一条春歌唱出去，梅花谢果果上场.
秋 歌
83. 梅花谢果果上场, 闲里就来对歌场,
唱里山歌过耐老, 唱里山歌命过长.
朝阳自然风
84. 后背笑乘喊脱囊，咩咩大叫喜洋洋。
弯弓搭背寻梅去，唔见梅花只见羊。
秋 歌
85. 唔见梅花只见羊,纸扇画有妹和郎,
两边郎妺不见面,姻缘只隔纸一张.
朝阳自然风
86. 百首山歌唔系多，唱过秋歌唱春歌。
踏春就爱入山坳，钻里细坳又爬坡.
秋 歌
87. 钻里细坳又爬坡, 爬上山顶就哦嗬,
哦嗬一打隔山应, 山歌一唱妹来和.
朝阳自然风
88. 大家等仪仪唔知，唔见霜雪矛梅枝。
春风缕缕唔见妹，原来梅去见果哩。
秋 歌
89. 哥係果哩妹系花, 哥係绫罗妹係纱,
哥係高山石崖水,妹係山中嫩细茶.
朝阳自然风
90. 老婆捉倒转妹家，妹家秋歌响哇哇。
整整唱里九十日，看倒梅芽唔见花。
秋 歌
91. 看倒梅芽唔见花, 喙甜喙乖靠嘴巴.
朝阳哥里刮厉害, 妹家尽喊新姑爷.
朝阳自然风
92. 大家尽喊新姑爷，迟鸡杀鸭又泡茶。
倒酒割肉磨豆腐，唔知新娘独艾家？
秋 歌
93. 唔知新娘独艾家？你今长介老妹家,
迟粄磨鸡踏豆腐, 热情招待你俩侪.
一缕阳光
94. 唔知新娘独艾家？今个你爱话大家。
红花请帖大花轿，迎娶新娘转屋夸。
朝阳自然风
95. 良时吉日自然来，九十九朵玫瑰开。
朵朵简红又简靓，唔知艾朵是芽花。
秋 歌
96. 唔知艾朵是芽花, 花多乱眼唔敢摸,
闪等目珠摸阿去, 最靓介朵係你花.
秋 歌
97. 老妹生得像朵花, 身腰就像狗麻蛇,
係肯奔啀揽一下, 赛过洋参煲鸭麻.
朝阳自然风
98. 赛过洋参煲鸭麻，打只电话就夸她。
上背细声讲电话，下背捉等长喇叭。
秋 歌
99. 下背捉等长喇叭, 上面大声讲细话,
今日俩人心甘愿, 牵手就去转屋夸.
朝阳自然风
100. 阿妹洋参炖鸭嫲，食里过韵心开花。
洋参鸭嫲十分盏，齐家搞到笑哈哈。
秋 歌
101.齐家搞到笑哈哈, 哥戴笠麻妹擎遮.
蜂里飞入花园内, 专门採你牡丹花.
朝阳自然风
102. 唱里山歌命过长，老里占知话梅香。
歌声过山又过坳，飞出梅江入海洋。
秋 歌
103.飞出梅江入海洋, 山歌就係金凤凰.
客家文化传世界, 五湖四海美名扬.
朝阳自然风
104. 五湖四海美名扬，情歌清唱展辉煌。
世界各地皆一统，统统唱歌想梅乡。
105 秋哥尽喊阿咩哀，唔知样般简该衰。
吹等喇叭电话响，手脚矛闲分唔开。
106 最靓介朵係你花，听到心里笑哈哈。
百花丛中唔客气，任佢牵来任佢拉。
107. 牵手就去转屋夸，唔送介子唔插花。
就怕后背有人急，暗暗摸摸矛末喳。
108 .一缕阳光透风沙，希望牛车胜汽车。
开辆牛车刮利害，装倒轮子急牛妈。
|
|
|
109. 专门採你牡丹花，一枝独秀见人夸。
牡丹树下好热闹，还多鸭子叫喳喳。
110. 秋哥请客好堂皇，星级酒家大廂房。
素菜就有荷塘耦，荤菜就有东山羊.
|
|
大声鸣谢朝阳阿歌邀啀唱山歌,虽然啀两人还矛见过面,但老哥俩不见如故,一口气唱了一百首,改天啀请朝阳哥食酒,喊咩咩老妹和阳光老娣作陪,小倩倩,荷池斟酒泡茶.还有瞒人报名参加么?秋歌欢迎哈.
|
|
一朵以资鼓励！
/1 