客家话小掌故

                                                                          叶伯姆个鸡欸

            叶屋有只妇人家，人家喊佢叶伯姆。叶伯姆养欸一大纲鸡欸，每朝晨放出去，临夜边鸡欸转来准定爱点数。佢点数唔係一只只欸点，係一双一双去点。有一日临夜边点数，唔係往常个双数，而係单数，鸡欸少撇一只。第二日一点係双数，佢话鸡欸自家走转来欸。过欸一日一点，又係单数，鸡欸又少撇一只。再过一日一点又係双数，佢话鸡欸又走转来欸。背尾佢见倒人就讲：“亻厓个鸡欸会到去到转个。”唔知得有只贼古将佢放出去个鸡欸每日偷撇一只，正会一日点出单数，一日点出双数。梅县话个歇后语叶伯姆个鸡欸——到去到转就係咹样来个。